» செய்திகள் - விளையாட்டு » உலகம்

குல்பூஷன்சிங் ஜாதவ் மரண தண்டனையை நிறுத்தி வைக்க சர்வதேச நீதிமன்றம் உத்தரவு

வியாழன் 18, மே 2017 4:44:37 PM (IST)

குல்பூஷண் சிங் ஜாதவ் வழக்கில் இறுதித் தீர்ப்பு அளிக்கும் வரை தூக்கு தண்டனையை நிறுத்தி வைக்க வேண்டும் என்று பாகிஸ்தான் அரசுக்கு சர்வதேச நீதிமன்றம் பிறப்பித்துள்ளது. 

இந்திய கடற்படையில் அதிகாரியாக பணியாற்றியவர் குல்பூஷண் சிங் ஜாதவ் . இவர், கடந்த ஆண்டு மார்ச் மாதம் 3-ம் தேதி பாகிஸ்தானின் பலுசிஸ்தான் மாகாணத்தில், வேவு பார்த்ததாக அந்நாட்டு ராணுவத்தால் கைது செய்யப்பட்டார். மேலும் பாகிஸ்தானுக்குள் சட்டவிரோதமாக ஊடுருவியதாகவும், பயங்கரவாத தாக்குதலுக்கு சதித்திட்டம் தீட்டியதாகவும் பாகிஸ்தான் அரசு அவர் மீது குற்றம்சாட்டியது. 

இந்நிலையில் குல்பூஷணுக்கு கடந்த மாதம் 10-ஆம் தேதி பாகிஸ்தான் ராணுவ நீதிமன்றம் மரண தண்டனை விதித்தது. இதை இந்தியா கடுமையாக கண்டித்தது. மேலும் அவரை சந்திக்க இந்திய தூதரக அதிகாரிகளும் அனுமதி மறுத்தது. குல்பூஷணுக்கு விதிக்கப்பட்ட மரண தண்டனை தொடர்பான தீர்ப்பு நகலையும் இந்திய அரசிடம் அளிக்க பாகிஸ்தான் மறுத்துவிட்டது. மேலும் எந்த வித பின்விளைவுகளையும் சந்திக்க தயார் என்று பாக். பிரதமர் நவாஸ் தெரிவித்தார்.

இந்நிலையில் பாகிஸ்தானிடம் பேசி எந்த பயனும் இல்லை என்பதால் நெதர்லாந்தில் உள்ள சர்வதேச நீதிமன்றத்தில் குல்பூஷன் சிங்கின் மரண தண்டனையை ரத்து செய்ய இந்திய அரசு மனு தாக்கல் செய்தது. அதில், ஜாதவ் வழக்கை விசாரிக்க சர்வதேச கோர்ட்டுக்கு அதிகாரம் உள்ளது. அவரை சந்திக்கவும் இந்திய தூதரகத்துக்கு பாகிஸ்தான் மறுப்பு தெரிவித்தது. வியன்னா சாசனத்தை பாகிஸ்தான் கடைப்பிடிக்கவில்லை. எனவே குல்பூஷனுக்கு பாகிஸ்தான் விதித்த மரண தண்டனையை ரத்து செய்ய வேண்டும் என்று தனது மனுவில் குறிப்பிட்டுள்ளது.

அதன் மீதான விசாரணை இன்று நெதர்லாந்தில் ஹேக்கில் உள்ள நீதிமன்றத்தில் 3.30 மணிக்கு தீர்ப்பு வாசிக்க தொடங்கியது. சுமார் 11 நீதிபதிகள் கொண்ட குழுவினர் விசாரணை நடத்தினர். அப்போது சர்வதேச நீதிமன்ற நீதிபதி தீர்ப்பு வாசிக்க தொடங்கினார். அதில், ஜாதவை இந்திய தூதரக அதிகாரிகள் சந்திக்க அனுமதி மறுத்தது தவறாகும். இந்த வழக்கில் இறுதித் தீர்ப்பு வரும் வரை ஜாதவ் தூக்குத் தண்டனையை நிறுத்தி வைக்க வேண்டும் என்று பாகிஸ்தான் அரசுக்கு நீதிபதி உத்தரவு பிறப்பித்தார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Black Forest Cakes

Johnson's Engineers




New Shape Tailors

selvam aqua


Universal Tiles Bazar

CSC Computer Education


Pop Up Here

Nalam Pasumaiyagam



Thoothukudi Business Directory