» சினிமா » செய்திகள்

பொங்கல் ரேஸில் விக்ரம் - சூர்யா படங்கள் மோதல்!!

திங்கள் 18, டிசம்பர் 2017 11:03:46 PM (IST)



பொங்கல் பண்டிகை விருந்தாக விக்ரம், சூர்யா,  பிரபுதேவா ஆகியோர் நடித்த படங்கள் வெளியாகின்றன.

பண்டிகைகளில் பெரிய நடிகர்கள் படங்களையும் மற்ற நாட்களில் சிறிய பட்ஜெட் படங்களையும் திரையிடும்படி தயாரிப்பாளர்கள் சங்கம் ஏற்கனவே அறிவுறுத்தி உள்ளது. இதைத்தொடர்ந்து அடுத்த மாதம் (ஜனவரி) 14–ந்தேதி பொங்கல் பண்டிகை விருந்தாக சில பெரிய படங்களும் ஓரிரு சிறிய படங்களும் திரைக்கு வர உள்ளன. தானா சேர்ந்த கூட்டம், ஸ்கெட்ச், குலேபகாவலி, கலகலப்பு–2, மதுர வீரன், ஒரு நல்ல நாள் பாத்து சொல்றேன் ஆகிய 6 படங்களையும் பொங்கலுக்கு வெளியிட திட்டமிட்டு உள்ளனர். 

இவற்றின் படப்பிடிப்புகள் முடிந்து குரல் பதிவு, இசை சேர்ப்பு, கிராபிக்ஸ் பணிகள் விறுவிறுப்பாக நடக்கிறது தானா சேர்ந்த கூட்டம் படத்தில் சூர்யா–கீர்த்தி சுரேஷ் ஜோடியாக நடித்துள்ளனர். விக்னேஷ் சிவன் இயக்கி உள்ளார். தெலுங்கிலும் இந்த படம் ‘கேங்க்’ என்ற பெயரில் வெளியாகிறது. அதிரடி கதையம்சம் உள்ள படமாக தயாராகி உள்ளது. விக்னேஷ் சிவன் ஏற்கனவே நானும் ரவுடிதான் படத்தை இயக்கி பிரபலமானவர். எனவே இந்த படமும் எதிர்பார்ப்புக்கு உள்ளாகி இருக்கிறது.

ஸ்கெட்ச் படத்தில் விக்ரம்–தமன்னா ஜோடியாக நடித்துள்ளனர். விஜய் சந்தர் டைரக்டு செய்துள்ளார். அதிரடி திகில் படமாக தயாராகி உள்ளது.  ஒரு நல்ல நாள் பாத்து சொல்றேன் படத்தில் விஜய் சேதுபதி, கவுதம் கார்த்திக் இணைந்து நடித்துள்ளனர். ஆறுமுக குமார் இயக்கி உள்ளார். நகைச்சுவை திகில் படமாக தயாராகி உள்ளது. இந்த படத்தின் டிரெய்லரில் இடம்பெற்ற ராமன், ராவணன் பற்றிய வசனம் சர்ச்சையை ஏற்படுத்தியது.

குலேபகாவலி படத்தில் பிரபுதேவா–ஹன்சிகா ஜோடியாக நடித்துள்ளனர். கல்யாண் டைரக்டு செய்துள்ளார். அதிரடி, நகைச்சுவை படமாக தயாராகி உள்ளது. எம்.ஜி.ஆர். நடித்து 1955–ல் வெளியான குலேபகாவலி படத்தின் தலைப்பில் இந்த படம் வருகிறது. கலகலப்பு–2 படத்தில் ஜீவா, ஜெய், சிவா, நிக்கி கல்ராணி ஆகியோர் நடித்துள்ளனர். சுந்தர்.சி இயக்கி உள்ளார். குஷ்பு தயாரித்து உள்ளார். 2012–ல் வெளியாகி வசூல் குவித்த கலகலப்பு படத்தின் இரண்டாம் பாகமாக  வெளியாகிறது


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Nalam Pasumaiyagam




Thoothukudi Business Directory